Woordelys

Deïsme

Deisme is die siening dat God die heelal geskape het met sy natuurwette, maar dat Hy daarna nie meer ingryp in die loop van gebeurtenisse nie. God word gesien as ‘n “horlosiemaker” wat die wereld opgewind het en dit dan alleen gelaat het om volgens sy ingeboude meganismes te werk. ‘n Deis glo dus dat God nie gebede beantwoord nie, nie ingryp om mense te red nie, en nie wonders verrig nie – die wereld werk volgens natuurlike oorsaak-en-gevolg sonder verdere goddelike betrokkenheid. Hierdie siening staan in teenstelling met die Christelike geloof in ‘n persoonlike God wat aktief by Sy skepping betrokke bly deur voorsienigheid, gebed en verlossing.