Sondag 16

Vraag 40: Waarom moes Christus in die dood gaan?
Antwoord:
Omdat die geregtigheid en waarheid van God vereis het¹
dat vir ons sondes die Seun van God self sou sterf².

Skrifverwysings:
1: Genesis 2:17
2: Filippense 2:8; Hebreërs 2:9

Vraag 41: Waarom is Hy begrawe?
Antwoord:
Om daarmee te bevestig dat Hy werklik gesterf het¹.

Skrifverwysings:
1: Matteus 27:59-60; Johannes 19:38-42

Vraag 42: Aangesien Christus vir ons gesterf het, waarom moet ons nog self sterf?
Antwoord:
Ons dood is nie ’n betaling vir ons sondes nie¹,
maar net ’n afsterwe van die sonde en ’n deurgang tot die ewige lewe².

Skrifverwysings:
1: Psalm 49:7-8
2: Filippense 1:21, 23; 1 Tessalonisense 5:10

Vraag 43: Watter verdere voordeel verkry ons nog uit die offer en die dood van Christus aan die kruis?
Antwoord:
Dat deur sy krag ons ou mens saam met Hom gekruisig, gedood en begrawe word¹,
sodat die bose begeertes van die vlees in ons nie meer regeer nie,
maar dat ons onsself as lewende offers van dankbaarheid aan Hom kan toewy².

Skrifverwysings:
1: Romeine 6:6
2: Romeine 12:1

Vraag 44: Waarom word daar bygevoeg: “Neergedaal na die hel”?
Antwoord:
Sodat ek in my grootste versoekinge verseker kan wees
dat my Here Jesus Christus deur sy onuitspreeklike benoudheid,
smarte, angs en helse kwelling,
waarin Hy gedurende sy hele lyding veral aan die kruis gedompel was¹,
my van die helse angs en pyn verlos het².

Skrifverwysings:
1: Jesaja 53:10; Matteus 27:46
2: Hebreërs 2:9