Sondag 21
Vraag 54: Wat glo jy van die heilige, algemene, Christelike kerk?
Antwoord:
Dat die Seun van God uit die hele menslike geslag¹,
van die begin van die wêreld af tot aan die einde²,
vir Hom ’n gemeente wat tot die ewige lewe uitverkies is³,
deur sy Gees en Woord⁴ in die een ware geloof⁵
vir Hom vergader, beskerm en onderhou⁶,
en dat ek daarvan ’n lewende lid is en ewig sal bly⁷.
Skrifverwysings:
1: Genesis 26:4; Openbaring 5:9
2: Johannes 10:10-11
3: Efesiërs 1:10-13
4: Romeine 10:14-17
5: Efesiërs 4:3-6
6: Psalm 121:4-8
7: 1 Johannes 3:14, 20-21
Vraag 55: Wat verstaan jy onder “die gemeenskap van die heiliges”?
Antwoord:
Eerstens dat die gelowiges almal saam as lede aan die Here Christus en sy skatte en gawes deel het¹.
Tweedens dat elkeen verplig is om sy gawes gewillig en met vreugde tot nut en saligheid van die ander lede aan te wend².
Skrifverwysings:
1: Romeine 8:32; 1 Korintiërs 12:12-13
2: 1 Korintiërs 12:21; 13:1-5; Filippense 2:4-6
Vraag 56: Wat glo jy van “die vergewing van sondes”?
Antwoord:
Dat God, ter wille van die versoening wat Christus bewerk het¹,
al my sondes sowel my sondige natuur²,
waarteen ek my hele lewe lank moet stry³,
nie meer wil gedenk nie⁴
en my uit genade die geregtigheid van Christus skenk⁵,
sodat ek nooit weer in sy oordeel kom nie⁶.
Skrifverwysings:
1: 1 Johannes 2:2
2: Romeine 7:21-25
3: Galasiërs 5:17
4: Psalm 103:3, 10-12; Jeremia 31:34
5: 2 Korintiërs 5:19, 21
6: Johannes 3:18